طارملیَم، كجر داغی همتيم

دونيا واركن ، توز گوتورمز غيرتيم


آنام طارمدن ، گوزل درس آلميشام

لياقتده عالمه آد سالميشام


آچيخدی بو سفره م كيمين اورگيم

محبتدن داد گوتوروب چورگيم


گوزل طبيعتده كونلوم حيران دی

نار تك اوزوم گولر اورگيم قاندی


زيتونلارين آغاجی تك ياشارام

سخاوتدن ، طراوتدن داشارام


بولاغ سويون ايچوب باغدا گزَرَم

قوناقلارين اياقين گول بزَرَم


باشيم گيتسه ، آللاهيمی آتمارام

بوش دونيايه ايمانيمی ساتمارام


مرد اولانا اوزوم گولر باغ كيمين

نامرد لره يول كسَرم داغ كيمين


طارمليم تاريخ بويی، ريشه لی

مُروتلی، هنرلی ، انديشه لی


سراينده : سيد حسين موسوی